“Ҳумо яшайди!” — клуб ёпилиши ҳақидаги миш-мишларга расмий баёнот
Охирги пайтларда Тошкентнинг “Ҳумо” хоккей клуби атрофида турли гап-сўзлар тарқалди. Жамоа фаолияти тўхтатилиши мумкинлиги ҳақидаги миш-мишлар мухлислар ўртасида жиддий хавотир уйғотди. Шу муносабат билан клуб расмий баёнот билан чиқди.
“Ҳурматли дўстлар, мухлислар ва ‘Ҳумо’ тақдирига бефарқ бўлмаган юртдошлар!
Биз клубнинг келажагига оид янгиликларни анча вақтдан буён кутяпганингизни билдик. Сукут саволлар туғдиради — ва биз бу саволларни эшитаяпмиз. Шунинг учун мавжуд маълумотлар билан ўртоқлашишни лозим топдик.Аввало, клубимизга нисбатан кўрсатаётган самимий қўллаб-қувватловингиз, меҳрингиз ва ишончингиз учун чуқур миннатдорчилик билдирамиз. Айнан сиз — мухлислар — бизга ҳар қандай оғир вазиятда ҳам йўлдан қаймаслик учун куч бағишлайсиз.
‘Ҳумо’ хоккей клуби фаолиятини давом эттиради. Шунингдек, болалар хоккей академияси ҳам тўлиқ ишламоқда. Ҳозирда биз клубнинг яқин ва кейинги мавсумлардаги иштирок формати борасида муҳокамалар олиб боряпмиз. Турли ривожланиш сценарийлари кўриб чиқилмоқда.
Тасдиқланган янгиликлар пайдо бўлиши билан, албатта, сизларни расман хабардор қиламиз. Сизларнинг эътиборингиз, ташвишингиз ва садоқатингиз биз учун беқиёс. Биз билан қолаётганингиз учун ташаккур! Биз бирдаммиз — ва айнан шу бизнинг энг катта кучимиздир”.