“Ҳумо” келажаги қоронғуми?
“Головой Об Лёд” лойиҳаси Тошкентнинг “Ҳумо” хоккей клуби вакиллари билан боғланиб, клубнинг келгуси режаларига ойдинлик киритишга уринди.
Маълум бўлишича, бир қатор хоккейчилар ва клуб ходимлари билан боғланганида, уларнинг барчаси бир овоздан ҳеч ким улар билан алоқага чиқмаганини ва янги мавсумда жамоа иштирок этадими-йўқми — ҳалигача аниқлик йўқлигини таъкидлаган.
Июл ойига қарамай, жамоа йиғинлари учун режа ёки таркиб ҳақида ҳеч қандай маълумот йўқ. Таъкидлаш жоиз, ҳатто бир муддат сукут сақлаган “Барис” клуби ҳам 1 августда тайёргарликни бошлаб, сентябрь ойида “Сибир”га қарши ўйин ўтказишини эълон қилган.
“Ҳумо” клуби ходимлари бу ҳолат уларни жиддий хавотирга солаётганини ва жамоа янги мавсумни одатдагидек бошлайди, деган ишонч йўқолганини тан олишди.
