Хоккей. Ўзбекистон Индонезия дарвозасига 26 та шайба киритди
ФОТО: O'XF
Бугун хоккей бўйича Ўзбекистон терма жамоаси Индонезия терма жамоасини ўта йирик ҳисобда мағлуб этди. Жамоамиз томонидан йўлланган 26 та шайбага рақиблар бир марта жавоб қайтаришди — 26:1.
Ўзбекистон тўрт ўйиндан 10 очко жамғариб, Жаҳон чемпионати IV дивизионининг турнир жадвалида пешқадамлик қилмоқда.
Олдинда битта ўйин — шанба куни турнир аутсайдери Малайзия термасига қарши ўйин қолди. Чемпионликни қўлга киритиш учун исталган ҳисобда ғалаба қозониш керак, лекин асосий вақтда.
Насрулло Каримов
Журналист