Хоккей бўйича Жаҳон чемпионати ғолиби бўлган Ўзбекистон U18 терма жамоаси юртимизга қайтишди
Ўзбекистон терма жамоаси Исроил жамоасини 6:3 ҳисобига мағлуб этиб, олтин медални қўлга киритди.
Фото: Спорт вазирлиги
Жорий йилнинг 2-8-март кунлари Гонконгда ўтказилган хоккей бўйича U18 ёш тоифасидаги жаҳон чемпионатида жамоамиз 5 та ўйинда 5 та ғалабани қўлга киритиб, юқорироқ дивизион — ИИБ га йўлланмага эга бўлди.
Ҳал қилувчи шиддатли баҳсларда Ўзбекистон терма жамоаси Исроил жамоасини 6:3 ҳисобига мағлуб этиб, олтин медални қўлга киритди.
Бугун Ислом Каримов номидаги Тошкент халқаро аэропортида музфар хоккейчиларимиз Спорт вазирлиги ҳамда мамлакат хоккей федерацияси мутасаддилари, спортчиларимизнинг ота-оналари ва кенг жамоатчилик иштирокида кутиб олинди ва уларга кейинги мусобақаларда муваффақият тилашди.
Розикжон Султонмуродов
Журналист