Xokkey bo'yicha Jahon chempionati g'olibi bo'lgan O‘zbekiston U18 terma jamoasi yurtimizga qaytishdi

Joriy yilning 2-8-mart kunlari Gonkongda oʻtkazilgan xokkey boʻyicha U18 yosh toifasidagi jahon chempionatida jamoamiz 5 ta o‘yinda 5 ta g‘alabani qoʻlga kiritib, yuqoriroq divizion — IIB ga yo‘llanmaga ega boʻldi.

Hal qiluvchi shiddatli bahslarda O'zbekiston terma jamoasi Isroil jamoasini 6:3 hisobida mag'lub etib, oltin medalni qo'lga kiritdi.

Bugun Islom Karimov nomidagi Toshkent xalqaro aeroportida muzaffar xokkeychilarimiz Sport vazirligi hamda mamlakat xokkey federatsiyasi mutasaddilari, sportchilarimizning ota-onalari va keng jamoatchilik ishtirokida kutib olindi va ularga keyingi musobaqalarda muvaffaqiyat tilashdi.

Roziqjon Sultonmurodov

Jurnalist