Хоккей бўйича Ўзбекистон миллий терма жамоаси тарихда илк бор Жаҳон чемпионатида иштирок этади
ФОТО: O'XF
Хоккей бўйича Ўзбекистон миллий терма жамоаси тарихда илк бор IIHF бошчилигидаги Жаҳон чемпионатида иштирок этади.
Вакилларимиз ушбу нуфузли турнирнинг IV дивизионида ўйнайди. Мусобақа 13-апрелдан 19-апрелгача Арманистон пойтахти Ереван шаҳрида бўлиб ўтади.
Ўзбекистон миллий терма жамоасига Арманистон, Қувайт, Эрон, Малайзия ва Индонезия термалари рақиблик қилади. Мамлакатимиз бош жамоаси турнирга 11-апрел, жума куни йўл олади.
Насрулло Каримов
Журналист