Александр Овечкин шайба урди ва Стэнли Кубоги бўйича янги рекорд ўрнатди
Расм: gettyimages.com Александр Овечкин
“Вашингтон Кэпиталз” клуби ҳужумчиси Александр Овечкин Стэнли Кубоги сериясининг учинчи ўйинида “Монреал Канадиенс”га қарши баҳсда (3:6) гол уриб, навбатдаги рекордини қайд этди. Энди 39 ёшли ҳужумчининг плей-офф баҳсларидаги шайбалари сони 75 тага етди. У Стэнли Кубоги тарихида бу натижага эришган илк россиялик бўлди.
Эслатиб ўтамиз, 6 апрел куни Овечкин МХЛнинг мунтазам мавсумида голлар сони бўйича Уэйн Гретцкининг афсонавий рекордини янгилаб, 895-шаёбасини киритган эди (ҳозирда — 897). Жами унинг ҳисобида МХЛда 972 та гол мавжуд.
“Вашингтон” серияда “Монреал” устидан 2:1 ҳисобида олдинда бормоқда. Кейинги учрашув 28 апрел куни ўтказилади.
Бакрадзе Иман
Редактор