2030 йилги хоккей бўйича жаҳон чемпионати Финляндия ва Латвияда бўлиб ўтади
2030 йилги хоккей бўйича жаҳон чемпионати Хельсинки ва Ригада бўлиб ўтади, деб хабар беради Финляндия хоккей иттифоқи матбуот хизмати.
Бундай қарор Халқаро хоккей федерацияси конгрессида қабул қилинди. Финляндия хоккей иттифоқи раҳбари Хейкки Хиетанен бу қарорга изоҳ берди.
«Қарор қабул қилиниши билан мусобақага тайёргарликни бошлаш мумкин. Хельсинки шаҳри, арена ва бошқа асосий манфаатдор томонлар жараёнга катта иштиёқ билан жалб этилгани ҳозирданоқ аён — пойтахт минтақасида шайбали хоккей бўйича жаҳон чемпионатини ўтказиш кутилган воқеа эди», — дея Хиетанен сўзларидан иқтибос келтиради Финляндия хоккей федерацияси матбуот хизмати.
Мусобақалар 2030 йилнинг 17 майидан 2 июнига қадар бўлиб ўтади. Ҳар бир шаҳар битта гуруҳ ўйинлари ва чорак финалларга мезбонлик қилади. Ярим финаллар, шунингдек, финал ва учинчи ўрин учун баҳс Хельсинкида бўлиб ўтади.
