Зоммер «Интер»ни тарк этишини эълон қилди
У 2023 йилдан бери клуб сафида тўп суради.
ФОТО: Getty images
«Интер» 37 ёшли дарвозабон Ян Зоммернинг шартномаси тугаганидан сўнг кетиши ҳақида расман хабар берди.
Швейцариялик футболчи Милан клубидаги фаолиятини якунламоқда, у клуб таркибида уч мавсум ўйнаб, тўртта совринни қўлга киритган.
Жамоада бўлган вақти давомида Зоммер барча мусобақаларда 139 та ўйин ўтказган ва уларда 120 та гол ўтказиб юборган. 66 та ўйинда дарвозабон «қуруқ» ўйин ўтказган. Ян Зоммер 2023 йил август ойида «Интер» билан шартнома имзолаган эди.
Дарвозабон клуб билан тўртта соврин, жумладан, иккита А Серияси чемпионлиги, Италия Кубоги ва Италия Суперкубоги эгаси бўлган. Илгари Зоммер «Базель», «Грассхоппер», Мёнхенгладбахнинг «Боруссия»си ва Мюнхеннинг «Бавария»си каби клубларда тўп сурган.