Зиркзее январда «Юнайтед»ни тарк этишни режалаштирмоқда
Футболчига «Комо» ва «Рома» даъвогарлик қилмоқда.
photo: gettyimages
Италиянинг La Gazzetta dello Sport нашри маълум қилишича, «Манчестер Юнайтед» ҳужумчиси Жошуа Зиркзее 2026-йилнинг январ ойида «Манчестер Юнайтед»ни тарк этиш ниятида.
Маълумотларга кўра, нидерландиялик футболчи мавсумнинг иккинчи қисмида кўпроқ ўйин амалиётига эга бўлишни хоҳламоқда. Бунинг учун эса у қишки трансфер ойнасида жамоа алмаштириши мумкин.
Унга асосий даъвогарлар сифатида Италиянинг «Комо» ва «Рома» жамоалари тилга олинмоқда. Манбанинг ёзишича, «Комо» Зиркзее трансфери ҳақида жиддий ўйлаб кўрмоқда ва янги йилда шартнома таклиф қилишни режалаштирмоқда.
Эслатиб ўтамиз, Зиркзее 2024-йил ёзида «Болонья» сафидан «Манчестер Юнайтед»га ўтган. Бироқ «Олд Траффорд»да у доимий асосий таркибга кириш имконига эга бўла олмаяпти.
Иброҳим Жалолов
Редактор