Зиркзе фаолиятини «Рома»да давом эттирмоқчи
«Манчестер Юнайтед» ҳужумчиси Жошуа Зиркзе «Рома»га ўтишга қизиқиш билдираётгани маълум. Нидерландиялик футболчи Рим клуби таклиф этган лойиҳадан ҳайратда қолган. Бу ҳақда журналист Флориан Плеттенберг X ижтимоий тармоғида маълум қилди.
Италия жамоаси ёзда футболчини 5 млн евро эвазига ижарага олиш ва 30 млн евро эвазига сотиб олиш ҳуқуқини қўлга киритишни режалаштирмоқда. Клублар ўртасида музокаралар давом этмоқда, аммо трансфер бўйича қарор ҳали қабул қилинмаган, чунки «Манчестер Юнайтед» транзакцияга розилик бермаган. «Рома»дан ташқари, 24 ёшли футболчига бошқа клублардан ҳам таклифлар келмоқда.
Зиркзе билан инглиз клуби ўртасидаги амалдаги шартнома 2029 йилгача амал қилади. Жорий мавсумда Зиркзе АПЛда 10 та ўйинда майдонга тушиб, битта гол урди. Transfermarkt маълумотига кўра, футболчининг бозор қиймати 25 млн еврони ташкил қилади.
