Зинченко — «Аякс» футболчиси (Романо)
Томонлар трансфер бўйича принципиал келишувга эришди.
ФОТО: Getty Images
«Аякс» «Арсенал» билан Александр Зинченконинг ижараси бўйича оғзаки келишувга эришди. Бу ҳақда машҳур инсайдер Фабрицио Романо ижтимоий тармоқларда маълум қилди.
Манбага кўра, келишув жорий йилнинг июн ойигача мўлжалланган. Украиналик футболчи «Ноттингем Форест»ни тарк этади ва яқин 24 соат ичида тиббий кўрикдан ўтиш учун Амстердамга йўл олади. «Аякс» футболчининг маошини тўлиқ ўз зиммасига олади. Битим тўлиқ келишилган, дея хабар бермоқда Романо.
Зинченко 2025 йилда ёзги трансфер ойнаси охирги кунида «Арсенал»дан «Ноттингем Форест»га ижара асосида ўтган эди. Клуб сафида у бор-йўғи 10 та ўйинда майдонга тушди, шулардан фақат тўрттасида Англия Премьер-лигасида асосий таркибда ҳаракат қилди.
Насрулло Каримов
Журналист