Зидан тарихдаги энг яхши футболчи ким эканлигини айтди
Франциялик футболчи На Месси, на Роналдуни танлади.
ФОТО: Getty images
“Реал Мадрид” ва “Ювентус” клубларида ҳамда Франция терма жамоасида ўйнаган собиқ ярим ҳимоячи Зинедин Зидан футбол тарихидаги энг яхши футболчи кимлигини айтди.
“Тарихдаги энг яхши футболчими? Мен учун бразилиялик Роналдо идеал футболчи ҳисобланади. Унинг майдондаги ҳаракатларини мўъжизага қиёслаш мумкин”, дея Зиданинг сўзларини келтиради ESPN.
Эслатиб ўтамиз, Роналду профессионал фаолияти давомида “Реал Мадрид”, “Барселона”, “Интер”, “Милан” каби клубларда тўп сурган. “Сўйлоқ” лақабли футболчи Бразилия терма жамоаси сафида 99 та ўйинда майдонга тушиб, 62 та гол ва 32 та голли узатмага муаллифлик қилган.
Розикжон Султонмуродов
Журналист