Зидан Месси “Олтин тўп”ни ютишига ишонмоқда
Франция терма жамоаси бош мураббийи Зинедин Зидан Лионель Мессининг 2026 йилги “Олтин тўп” учун имкониятларини юқори баҳолади. Франциялик мутахассис аргентиналик футболчи совринни қўлга киритса, бундан ажабланмаслигини айтди. Бу ҳақда The Touchline хабар берди.
Зидан Мессини қўллаб-қувватлаб, имконияти бўлса унга қайта-қайта овоз беришини таъкидлади. Шунингдек, у 39 ёшида ҳам энг юқори савияда ўйнаётган аргентиналикнинг узоқ йиллик барқарорлиги ва футболга таъсирини алоҳида эътироф этди.
Месси 2026 йилги “Олтин тўп” учун эълон қилинган 30 нафар номзод қаторидан жой олди. У “Интер Майами” ва Аргентина терма жамоаси сафидаги натижалари билан соврин учун асосий даъвогарлардан бири сифатида кўрилмоқда.
Маълумот учун, Лионель Месси фаолияти давомида “Олтин тўп”ни саккиз марта қўлга киритган ва бу мусобақа тарихидаги рекорд ҳисобланади. 2026 йилги соврин эгаси 26 октябрь куни Лондонда бўлиб ўтадиган тақдирлаш маросимида аниқланади.
