Жуд Беллингем — дунёнинг энг қиммат яримҳимоячиси

Transfermarkt портали жаҳоннинг энг қиммат яримҳимоячилари рейтингини тузди.

Манбага кўра, футбол тарихи энг қиммат яримҳимоячи номи Мадриднинг «Реал» клуби ва Англия терма жамоаси футболчиси Жуд Беллингемга насиб этган. «Лос Бланкос»нинг 22 ёшли яримҳимоячисининг қиймати 160 млн евро деб баҳоланган.

Рейтингда иккинчи ўринни 23 ёшли испаниялик футболчи Педри («Барселона») эгаллаган — унинг трансфер қиймати 140 млн евро. Энг қиммат яримҳимоячилар учлигини эса Мюнхеннинг «Бавария» клубидан 22 ёшли Жамал Мусиала якунлайди — 130 млн евро.

Кейинги ўринда эса дарҳол уч нафар футболчи турибди, ҳар бири 120 млн евро трансфер қийматига эга: Коу Палмер («Челси»), Деклан Райс («Арсенал») ва Федерико Вальверде («Реал»).

Насрулло Каримов

Журналист