Жозе Моуринью яна АПЛга қайтиши мумкин — манба
Португалиялик мутахассис ҳозирда «Бенфика» жамоасини бошқармоқда.
ФОТО: Getty Images
«Бенфика» бош мураббийи Жозе Моуринью фаолиятини «Ньюкасл»да давом эттириши мумкин. Бу ҳақда talkSPORT хабар бермоқда.
Манбанинг маълум қилишича, «загизғонлар»нинг саудиялик хўжайинлари португалиялик мутахассисни юқори баҳолашади ва агар жамоанинг амалдаги устози Эдди Хау клубни тарк этса, у билан ҳамкорлик қилиш ниятида.
Шунингдек, Англия клубининг қисқа рўйхатидан Қатарнинг «Ал Садд» клуби мураббийи Роберто Манчини ҳам ўрин олган.
Жорий мавсум якунида «Борнмут»дан кетаётган Андони Ираоланинг ҳам Тайн-энд-Уир графлиги жамоасини бошқариш имкониятлари мавжуд.
Ҳозирги вақтда «Ньюкасл» 42 очко билан АПЛ турнир жадвалида 14-ўринни эгаллаб турибди.
Насрулло Каримов
Журналист