Жозе Моуринью «Реал»га «Арсенал» ҳимоячисини олиб келмоқчи
Аввалроқ португалиялик мутахассис Мадрид клуби бош мураббийига айланиши мумкинлиги хабар қилинганди.
ФОТО: Getty Images
Яқин орада «Реал»га бош мураббий этиб тайинланиши кутилayotgan Жозе Моуринью клуб раҳбарияти олдига биринчи трансфер вазифасини қўйди — португалиялик мутахассис «Арсенал» ҳимоячиси Риккардо Калафиорини сотиб олишни сўради. Бу ҳақда журналист Рамон Алварес де Мон ижтимоий тармоқларда хабар берди.
Манбага кўра, Моуриньюни футболчининг универсаллиги ҳайратда қолдирган — Калафиори ҳам ҳимоя марказида, ҳам чап қанотда бирдек ҳаракат қила олади.
Орқада қолган мавсумда футболчи «Арсенал» сафида барча турнирларда 36 та ўйинда майдонга тушиб, 1 та гол урди ва 3 та голли узатмани амалга оширди. Transfermarkt портали маълумотларига кўра, унинг бозор қиймати 55 миллион еврони ташкил қилади.
Насрулло Каримов
Журналист