Жозе Моуринью «Реал Мадрид» билан 2029 йилгача шартнома имзолади — Романо
Португалиялик машҳур мураббий Жозе Моуринью Мадриднинг «Реал» клуби билан расман шартнома имзолади. Бу ҳақда таниқли инсайдер Фабрицио Романо хабар берди.
Манбанинг маълум қилишича, мутахассиснинг «Қироллик клуби» билан тузган келишуви 2029 йилнинг июн ойига қадар мўлжалланган. Ҳужжатлар аллақачон имзоланган ва кучга кирган. Моуринью келаси ҳафтада Мадридга етиб келиши кутилмоқда.
Эслатиб ўтамиз, Жозе Моуринью фаолияти давомида аввал ҳам (2010 йилнинг июлидан 2013 йилнинг июнигача) «Реал»ни бошқарган эди. Мадриддан кетганидан кейин у «Челси», «Манчестер Юнайтед», «Тоттенхэм», «Рома», «Фенербахче» ва «Бенфика» клубларида меҳнат қилган.
Ортда қолган 2025/2026 йилги мавсумда унинг бошқарувидаги жамоа Португалия чемпионатида 23 та ғалаба ва 11 та дуранг қайд этиб, бирор марта ҳам мағлубиятга учрамаган ҳолда ажойиб натижа кўрсатди.
