Жозе Моуринью: «Португалия Жаҳон чемпионлигини қўлга киритиши мумкин»
«Бенфика» бош мураббийи Жозе Моуринью Португалия терма жамоасининг 2026 йилги Жаҳон чемпионатидаги имкониятларини баҳолади ва турнирнинг бошқа фаворитлари номини айтди.
— Португалия терма жамоаси жаҳон чемпионатида қай даражада узоққа етиб бориши мумкин?
— Португалия ҳар қандай натижага қодир. Уларда ақл бовар қилмайдиган авлод шаклланган, бир йил аввал Миллатлар лигасида ғолиб чиққанди. 2016 йили улар Европа чемпиони бўлишган эди, ҳозирги авлод эса техник жиҳатдан ўшандан ҳам устунроқ. Албатта, Карло Анчелотти бошчилигидаги Бразилия ва Аргентина ҳам бор, бироқ Португалия ушбу жаҳон чемпионатида ғолиб чиқиши мумкин — дея Моуриньюнинг сўзларини келтирмоқда La Gazzetta dello Sport.
Эслатиб ўтамиз, навбатдаги жаҳон чемпионати 11 июндан 19 июлга қадар АҚШ, Канада ва Мексика майдонларида бўлиб ўтади.
