Жозе Моуринью: «Мадридда боримни берганман, мухлислар билан ришталаримиз эса абадий»
Ҳозирда Лиссабоннинг «Бенфика» клубини бошқараётган Жозе Моуринью Европа Чемпионлар лигасининг плей-офф босқичи доирасида ўзининг собиқ жамоаси — Мадриднинг «Реал» клубига қарши бўладиган учрашув олдидан ўз хотиралари ва мадридлик мухлислар ҳақида гапирди.
«Мадридликлар мен ҳақимда илиқ фикрлар билдиришганда нима ҳис қиламан? Мен «Реал»да қўлимдан келган барча ишни қилганман. Қайсидир жабҳаларда муваффақиятга эришдим, қаердадир омадим келмади, лекин ҳақиқат шуки — мен у ерда боримни бериб ишлаганман.
Қачонки сен бор кувачинг билан меҳнат қилсанг, ўртада абадий давом этадиган боғлиқлик пайдо бўлади. «Реал» мухлислари мени айнан шу жиҳатим учун ҳамон ҳурмат қилишади ва қадрлашади. Менинг Мадрид клубидан мутлақо гина-кудуратим йўқ», — дея Моуриньюнинг сўзларини келтиради Madrid Zone нашри.
Эслатиб ўтамиз, «Бенфика» ва «Реал» ўртасидаги Чемпионлар лигасининг дастлабки плей-офф бахси 17 феврал куни Лиссабондаги «Да Луш» стадионида бўлиб ўтади.
