Жозе Моуриньо Португалия терма жамоасини бошқариши мумкин
Футбол
Насрулло Каримов
Журналист
ФОТО: Getty Images
Туркиянинг “Фенербахче” клуби бош мураббийи Жозе Моуриньо Португалия футбол федерацияси билан уни терма жамоага бош мураббий этиб тайинлаш борасида дастлабки келишувга эришди. Бу ҳақда HT Spor нашри хабар бермоқда.
Манбага кўра, Моуриньо июн ойида бўлиб ўтадиган Миллатлар Лигасининг якуний турниридан кейин терма жамоани бошқариши мумкин.
Португалия терма жамоасини ҳозирда Роберто Мартинес бошқармоқда. Моуриньо эса ўтган ёздан бери “Фенербахче”да ишлаб келмоқда ва унинг амалдаги шартномаси 2026 йилнинг ёзида якунга етади.
Маълумот учун, Жозе ҳозирга қадар “Порту”, “Челси”, “Интер”, “Реал”, “Манчестер Юнайтед”, “Тоттенхэм” ва “Рома” каби жамоаларни ҳам бошқарган. 62 ёшли мутахассис ҳеч қачон терма жамоалар билан ишламаган.
