Жоуи Бартон яна олти ой қамоқда қолиши мумкин
Англия терма жамоасининг собиқ футболчиси Жоуи Бартоннинг суд жараёни 2027-йилга қолдирилди. 44 ёшли собиқ яримҳимоячи гольф клуби яқинида бир кишига оғир тан жароҳати етказганликда айбланмоқда, бироқ у ўзига қўйилган айбни тан олмаяпти.
Бартон устидан суд шу ҳафта бошланиши керак эди. Бироқ Ливерпуль Қироллик суди судьяси Дэвид Поттер ишни 2027-йил 8-мартга кўчирди. Шу сабабли, агар унга гаров эвазига озодлик берилмаса, собиқ футболчи яна қарийб олти ой ҳибсда қолиши мумкин.
Тергов версиясига кўра, ҳодиса 8-март куни Хайтон ва Прескот гольф клубида юз берган. Бартон 51 ёшли Кевин Линчга оғир тан жароҳати етказганликда гумон қилинмоқда. Линчнинг кўзи жиддий жароҳатлангани айтилмоқда. Бартон эса айбловни рад этмоқда ва иш бўйича ҳали якуний суд ҳукми чиқарилмаган.
Маълумот учун, Бартон футболчилик фаолиятида “Манчестер Сити”, “Ньюкасл”, “Куинз Парк Рейнжерс”, “Марсель”, “Бёрнли” ва “Рейнжерс” клубларида тўп сурган. У Англия терма жамоаси сафида битта учрашув ўтказган ва 2017-йилда футболчилик фаолиятини якунлаган.
