Жонатан Та: Турнирни ажойиб тарзда бошладик\"
У "Окленд"га қарши ўйиндан сўнг ўз фикрлари билан ўртоқлашди.
Фото: Getty Images
"Бавария" клуби янги аъзоси Жонатан Та клублар ўртасидаги жаҳон чемпионати доирасидаги "Окленд Сити"га қарши ўйинда йирик ҳисобда ғалаба қозонгани ҳақида гапирди.
Эслатиб ўтамиз, Германия чемпиони рақибини 10:0 ҳисобида таслим этди.
"Турнирда ажойиб тарзда бошладик. Баъзи вазиятларда яхшироқ ўйнашимиз мумкин эди, лекин умуман олганда, ҳаммасидан мамнунмиз. Рақибни ҳурмат қилган ҳолда, кейинги ўйинларда анча қийин бўлишини тушунамиз. "Бавария" бу ўйинларга тайёр," — дея ҳимоячининг сўзларини келтиради Bayern & Germany.
Клублар ўртасидаги ЖЧ гуруҳ босқичининг навбатдаги учрашувини Венсан Компани шогирдлари Аргентинанинг "Бока Хуниорс" клубига қарши 21 июнь куни ўтказади.