Jonatan Ta: Turnirni ajoyib tarzda boshladik
U "Oklend"ga qarshi o‘yindan so‘ng o‘z fikrlari bilan o‘rtoqlashdi.
Photo: Getty Images
"Bavariya" klubining yangi a’zosi Jonatan Ta klublar o‘rtasidagi jahon chempionati doirasidagi "Oklend Siti"ga qarshi o‘yinda yirik hisobda g‘alaba qozongani haqida gapirdi.
Eslatib o‘tamiz, Germaniya chempioni raqibini 10:0 hisobida taslim etdi.
"Turnirni ajoyib tarzda boshladik. Ba’zi vaziyatlarda yaxshiroq o‘ynashimiz mumkin edi, lekin umuman olganda, hammasidan mamnunmiz. Raqibga hurmat ko‘rsatgan holda, keyingi o‘yinlarda ancha qiyin bo‘lishini tushunamiz. "Bavariya" bu o‘yinlarga tayyor," — deya himoyachining so‘zlarini keltiradi Bayern & Germany.
Klublar o‘rtasidagi JCH guruh bosqichining navbatdagi uchrashuvini Vensan Kompani shogirdlari Argentinaning "Boka Xuniors" klubiga qarshi 21 iyun kuni o‘tkazadi.