Жон Жонсга Чеченистонда қимматбаҳо соат совға қилинди
UFC’да оғир ва яримоғир вазн тоифаларида собиқ икки карра чемпион бўлган Жон Жонс Чеченистонга ташрифи ҳақида таассуротлари билан ўртоқлашди. У ерда машҳур жангчи республика раҳбари Рамзан Қодировнинг ўғли — Адам Қодировнинг туғилган куни муносабати билан ўтказилган тадбирда иштирок этган.
«Менга жуда чиройли соат совға қилишди, умуман олганда эса сафар унутилмас хотиралар қолдирди. Мен ҳам ўз навбатида Адамга чиройли бриллиант маржон тақдим этдим. Ҳаммаси жуда қизиқарли ва қувноқ ўтди. Ажойиб вақт бўлди», — деди Жонс Red Corner MMA YouTube-каналига берган интервьюсида.
Маълумот учун, Жон Жонс аралаш жанг санъатларидаги фаолияти давомида жами 28 та ғалабага эришган бўлиб, уларнинг 11 таси нокаут билан якунланган. Унинг ҳисобига битта мағлубият ҳам бор.
