Жон Дуран фаолиятини Португалияда давом эттиради - Романо

Трансфер бўйича ишончли инсайдер Фабрицио Романо хабарига кўра, колумбиялик ҳужумчи Жон Дуран Саудия Арабистонининг "Al-Nassr" клубидан "Benfika" сафига ўтмоқда.

Томонлар барча асосий шартлар бўйича келишувга эришган. Дуран Португалия клубига ижара асосида, кейинчалик тўлиқ сотиб олиш ҳуқуқи билан қўшилади. Шунингдек, "Benfika" ушбу трансфер учун Европанинг яна икки Чемпионлар лигаси иштирокчиси билан рақобатда ғолиб чиққанлиги айтилмоқда.

22 ёшли ҳужумчи 2025 йилда "Aston Villa"дан "Al-Nassr"га кўчиб ўтган эди. Бироқ у Саудия клубида ўзини тўлиқ намоён қила олмади ва кейинчалик ижара асосида бошқа жамоаларда ҳам ўйнади. Энди эса Дуран Европа футболига қайтиб, фаолиятини Португалия гранди сафида тиклашга ҳаракат қилади.

Насрулло Каримов

Журналист