Жезус ёзда «Арсенал»ни тарк этиши кутилмоқда
Жезус жамоасини ўзгартирмоқчи.
ФОТО: Getty images
“Арсенал” ҳужумчиси Габриэл Жезус ёзда клубни тарк этиши кутилмоқда. Бу ҳақда журналист Фабрицио Романо хабар берди.
Аввало бразилиялик форвард “канонирлар” билан Англия Премьер-лигасида ғолиб чиқмоқчи. Шунингдек, Чемпионлар лигасида ҳам муваффақият қозонмоқчи.
Бироқ ёзда бразилиялик форвард барча эҳтимолий таклифларни кўриб чиқади.
Жорий мавсум Габриэл “Арсенал” сафида 24 та ўйинда иштирок этиб, 5 та гол ва 2 та ассистга муаллифлик қилган. Футболчи Лондон жамоасига “Манчестер Сити”дан кўчиб ўтган.
Розикжон Султонмуродов
Журналист
