Жеррард: «Вирц билан катта мамнуният ила бир жамоада тўп сурган бўлардим»
«Ливерпуль» клубининг собиқ яримҳимоячиси ва сардори Стивен Жеррард «қизиллар»нинг ҳужумкор яримҳимоячиси Флориан Вирц билан бир жамоада тўп суришни орзу қилишини маълум қилди.
Германийлик футболчи ўтган ёзда «Ливерпуль» тарихи́даги энг қиммат трансфер сифатида «Байер»дан Мерсисайд клубига келиб қўшилган эди.
«Қайсидир футболчи ҳақида мулоҳаза юритар эканман, ҳар доим ўзимга: «Мен у билан бирга ўйнашни хоҳлаган бўлардим?» деган саволни бераман. Флориан Вирц билан катта мамнуният билан бирга тўп сурган бўлардим», — дея Жеррарднинг сўзларини келтиради The Touchline нашри.
Маълумот учун, Стивен Жеррард профессионал фаолиятини 2014 йилда якунлаган. 2017 йилдан буён мураббийлик билан шуғулланиб келаётган мутахассиснинг сўнгги иш жойи Саудия Арабистонининг «Ал Иттифоқ» клуби бўлиб турибди.
