Jerrard: «Virts bilan katta mamnuniyat ila bir jamoada toʻp surgan boʻlardim»
«Liverpul» klubining sobiq yarimhimoyachisi va sardori Stiven Jerrard «qizillar»ning hujumkor yarimhimoyachisi Florian Virts bilan bir jamoada to‘p surishni orzu qilishini ma’lum qildi.
Germaniyalik futbolchi o‘tgan yozda «Liverpul» tarixidagi eng qimmat transfer sifatida «Bayer»dan Mersisayd klubiga kelib qo‘shilgan edi.
«Qaysidir futbolchi haqida mulohaza yuritar ekanman, har doim o‘zimga: «Men u bilan birga o‘ynashni xohlagan bo‘larmidim?» degan savolni beraman. Florian Virts bilan katta mamnuniyat bilan birga to‘p surgan bo‘lardim», — deya Jerrardning so‘zlarini keltiradi The Touchline nashri.
Ma’lumot uchun, Stiven Jerrard professional faoliyatini 2014 yilda yakunlagan. 2017 yildan buyon murabbiylik bilan shug‘ullanib kelayotgan mutaxassisning so‘nggi ish joyi Saudiya Arabistonining «Al Ittifoq» klubi bo‘lib turibdi.
