Жеррард Слотнинг «Ливерпул»даги келажаги ҳақида гапирди
Нидерландиялик мутахассис қўл остида мерсисайдликлар ўтган мавсум АПЛ чемпионлигини қўлга киритган.
ФОТО: Getty Images
«Ливерпул»нинг собиқ сардори ва яримҳимоячиси Стивен Жеррард мерсисайдликлар бош мураббийи Арне Слотнинг клубдаги келажаги ҳақида фикр билдирди.
Жеррард Слотнинг «Ливерпул»ни яна буюк жамоага айлантиришини исташини таъкидлади.
«Мен Слотнинг бу ишни йўқотишини истамайман. Истайманки, у мавжуд вазиятни тўғриласин, ҳаммасини яхши томонга ўзгартирсин ва «Ливерпул»ни буюк қилсин. Тўрт-беш ой аввал, «Ливерпул» Англия чемпиони бўлганида, қувончимдан бутун шаҳар бўйлаб югуриб юргандим», — дейди Жеррард.
Арне Слот «Ливерпул»ни ўтган йилнинг ёзида қабул қилиб олган. Нидерландиялик мутахассис бошчилигида мерсисайдликлар 2024/2025 йилги мавсумда Англия Премьер-лигасида чемпионликни қўлга киритди.
Насрулло Каримов
Журналист
