Жеррард Чемпионшипда иш бошлаши мумкин
Жамоа 13-ўринни эгаллаб турибди.
ФОТО: Getty images
Англия терма жамоаси ва “Ливерпуль”нинг собиқ ярим ҳимоячиси Стивен Жеррард Туманли Альбионда иш топиши мумкин. Бу ҳақда Independent журналистлари хабар бермоқда.
Манба маълумотларига кўра, 45 ёшли мураббийга “Бристол Сити” қизиқиш билдирмоқда. Жамоа Чемпионшипда иштирок этади ва 13-ўринни эгаллаб турибди. Айни пайтда жамоани таниқли мутахассис Рой Ходжсон бошқармоқда.
Аввалроқ матбуотда АПЛдан муддатидан олдин чиқиб кетган “Бёрнли” томонидан ҳам Жеррардга қизиқиш бўлаётгани ҳақида хабар берилган эди. Жеррарднинг сўнгги иш жойи Саудия Арабистонининг “Ал-Иттифоқ” клуби бўлган. Бунгача у “Рейнджерс” ва “Астон Вилла” жамоаларини бошқарган.
Розикжон Султонмуродов
Журналист