Жеррард Чемпионшипда иш бошлашга яқин
Стивен яқинда "Рейнжерс"дан тушган таклифни рад этганди.
ФОТО: Getty images
“Ливерпуль” ва “Астон Вилла” жамоаларининг собиқ бош мураббийи Стивен Жеррард яқин орада ишга қайтиши мумкин.
The Sun хабар тарқатишича, 45 ёшли мутахассисга Англия Чемпионшипи вакилли “Рэксем” клуби жиддй қизиқмоқда. Томонлар ўртасида ҳозирда музокаралар давом этмоқда.
Яқинда Жеррард “Рейнжерс”нинг таклифини рад этганди. У Глазго клубини 2018-2021 йилларда бошқариб, мамлакат чемпионига айлантирганди.
“Рэксем” ҳозирда 9 ўйиндан сўнг 10 очко тўплаган ҳолда 18-ўринни эгаллаб турибди. Раҳбарият Стивенни жамоага таклиф қилишни бош мақсадга айлантирган.
Розикжон Султонмуродов
Журналист