Жереми Доку Бельгия терма жамоаси қароргоҳига вақтинча хайрлашди
«Манчестер Сити» клуби ва Бельгия миллий терма жамоаси вингери Жереми Доку илк фарзандининг дунёга келиши муносабати билан ЖЧ-2026даги терма жамоа қароргоҳини вақтинча тарк этди.
Унинг рафиқаси Ширин яқин кунларда туғиши кутилмоқда. Ҳужумчи гуруҳ босқичининг 1-турида Мисрга қарши ўйинда (1:1) асосий таркибда майдонга тушиб, 86 дақиқа ҳаракат қилган эди. Эндиликда у катта эҳтимол билан 21 июн куни Эронга қарши бўладиган учрашувни ўтказиб юборади.
«Бу менинг биринчи фарзандим ва у туғилаётган лаҳзада у ерда бўлишни мутлақо чин дилдан хоҳлайман. Агар айнан мендан нима исташимни сўрасангиз, жавобим оддий: ҳеч ким ўз тўнғичининг дунёга келишини ўтказиб юбормоқчи эмас.
Шу билан бирга, футболда бошқа кўплаб омилларни ҳам ҳисобга олиш кераклигини жуда яхши тушунаман, бироқ федерация бундай вазиятларда футболчиларни доимо қўллаб-қувватлайди. Кўрамиз, нима қила олар эканмиз», — дея Докунун сўзларини келтирмоқда The Athletic.
