Jeremi Doku Belgiya terma jamoasi qarorgohini tark etdi
«Manchester Siti» klubi hamda Belgiya milliy terma jamoasi vingeri Jeremi Doku ilk farzandining dunyoga kelishida ishtirok etish uchun JCh-2026dagi terma jamoa qarorgohini vaqtincha tark etdi.
Uning rafiqasi Shirin yaqin kunlarda ko‘zi yorishi kutilmoqda. Hujumchi guruh bosqichining 1-turidan o‘rin olgan Misrga qarshi bahsda (1:1) asosiy tarkibda maydonga tushib, 86 daqiqa harakat qilgan edi. Endilikda u katta ehtimol bilan 21-iyun kuni Eronga qarshi bo‘ladigan uchrashuvni o‘tkazib yuboradi.
«Bu mening birinchi farzandim va u tug‘ilayotgan lahzada u yerda bo‘lishni mutlaqo chin dildan xohlayman. Agar aynan mendan nima istayotganimni so‘rasangiz, javobim oddiy: hech kim o‘z to‘ng‘ichining dunyoga kelishini o‘tkazib yuborishni istamaydi.
Shu bilan birga, futbolda boshqa ko‘plab omillarni ham hisobga olish kerakligini juda yaxshi tushunaman, biroq federatsiya bunday vaziyatlarda futbolchilarni doimo qo‘llab-quvvatlaydi. Ko‘ramiz, nima qila olar ekanmiz», — deya Dokuning so‘zlarini keltirmoqda The Athletic.
