Женнаро Гаттузо «Лацио» бош мураббийи — Романо
У Маурицио Сарри ўрнини эгаллайди.
ФОТО: Getty images
Италия терма жамоасининг собиқ бош мураббийи Женнаро Гаттузо “Лацио”ни бошқаради. Бу ҳақда журналист Фабрицио Романо ўзининг X (Twitter) саҳифасида хабар берди.
Маълумотларга кўра, “Лацио” яқин вақт ичида мутахассис билан расмий шартнома имзолайди. Гаттузо билан тузиладиган келишув 2 йилга мўлжалланган. У Маурицио Сарри ўрнини эгаллайди.
48 ёшли мураббий яқинда Италия терма жамоасини тарк этганди. Унинг қўл остидаги жамоа Жаҳон чемпионати-2026 плей-офф финалида Боснияга (1:1, пенальтиларда 1:4) мағлуб бўлиб, мундиал йўлланмасини қўлдан чиқарган.
Шу тариқа, Италия кетма-кет учинчи марта жаҳон чемпионатини ўтказиб юборади.
Розикжон Султонмуродов
Журналист