Женнаро Гаттузо: «Италия халқидан шахсан узр сўрайман»
Италия бош мураббийи жамоа Жаҳон чемпионатига чиқа олмаганидан афсусда эканлигини айтди.
ФОТО: Getty Images
Италия терма жамоаси бош мураббийи Женнаро Гаттузо жамоасининг 2026 йилги Жаҳон чемпионатига чиқа олмагани учун мухлислардан узр сўради.
Эслатиб ўтамиз, италияликлар ҳал қилувчи плей-офф баҳсида Босния ва Герцеговинага имкониятни бой беришган эди (1:1, пенальтилар сериясида 1:4).
«Италия бўлажак Жаҳон чемпионатига йўлланма ололмагани учун шахсан ўзим узр сўрайман, бироқ йигитларимиз майдонда бор кучларини беришди», — деди Гаттузо.
Маълумот учун, Италия терма жамоаси охирги марта 2014 йилги Жаҳон чемпионатида иштирок этган. Таъкидлаш жоизки, «Скуадра Адзурра» ўз тарихида тўрт карра жаҳон чемпиони унвонини қўлга киритган.
