Жеко фаолиятини Германияда давом эттириши мумкин
Футболчининг “Фиорентина” билан амалдаги шартномаси шу ёзда якунига етади.
ФОТО: Getty images
“Фиорентина” ҳужумчиси Эдин Жеко фаолиятини Германия чемпионатида давом эттириши мумкин. Бу ҳақда журналист Флориан Плеттенберг хабар берди.
Манбага кўра, 39 ёшли футболчи қишки трансфер ойнасида “бинафшаранглилар” сафини тарк этишга тайёр. Босниялик форвардга “Шалке 04” клуби қизиқиш билдирмоқда.
Гелзенкирхен жамоаси аллақачон тажрибали ҳужумчи билан музокараларни бошлаган. Шунингдек, Жекога “Париж” ҳам даъвогар сифатида қаралмоқда.
Маълумот тариқасида эслатиб ўтамиз, Эдин Германияда аввал ҳам тўп тепган. 2007 йил ёзида у “Вольфсбург” сафига келиб қўшилган. Кейинчалик клуб билан Бундеслигада чемпионликни қўлга киритиб, Англия чемпионатига йўл олган.
Футболчининг “Фиорентина” билан амалдаги шартномаси шу ёзда якунига етади.
Розикжон Султонмуродов
Журналист