Jeko faoliyatini Germaniyada davom ettirishi mumkin
“Fiorentina” hujumchisi Edin Jeko faoliyatini Germaniya chempionatida davom ettirishi mumkin. Bu haqda jurnalist Florian Plettenberg xabar berdi.
Manbaga ko‘ra, 39 yoshli futbolchi qishki transfer oynasida “binafsharanglilar” safini tark etishga tayyor. Bosniyalik forvardga “Shalke 04” klubi qiziqish bildirmoqda.
Gelzenkirxen jamoasi allaqachon tajribali hujumchi bilan muzokaralarni boshlagan. Shuningdek, Jekoga “Parij” ham da’vogar sifatida qaralmoqda.
Ma’lumot tariqasida eslatib o‘tamiz, Edin Germaniyada avval ham to‘p tepgan. 2007 yil yozida u “Volfsburg” safiga kelib qo‘shilgan. Keyinchalik klub bilan Bundesligada chempionlikni qo‘lga kiritib, Angliya chempionatiga yo‘l olgan.
Futbolchining “Fiorentina” bilan amaldagi shartnomasi shu yozda yakuniga yetadi.
