Жеймс Траффорд XXI аср рекордини ўрнатди — Opta
«Манчестер Сити» Англия Лига Кубоги финалида «Арсенал»ни 2:0 ҳисобида мағлуб этди. «Шаҳарликлар» дарвозабони Жеймс Траффорд ушбу баҳсда камдан-кам учрайдиган кўрсаткичга эришди. Бу ҳақда Opta таҳлилий портали хабар бермоқда.
23 ёшу 163 кунлик бўлган Траффорд 1978 йилдан буён «Уэмбли» стадионида ўтадиган Лига Кубоги финалида асосий таркибда майдонга тушган энг ёш инглиз дарвозабонга айланди. Сўнгги бор бундай натижа 1978 йилги «Ноттингем Форест» ва «Ливерпуль» ўртасидаги баҳсда қайд этилган бўлиб, ўшанда Крис Вудс 18 ёшу 124 кунида финалда иштирок этган эди.
Эслатиб ўтамиз, айни дамда Англия Премьер-лигаси турнир жадвалида «Арсенал» 70 очко билан пешқадамлик қилмоқда. «Манчестер Сити» эса битта захира ўйинига эга ҳолда 61 очко билан иккинчи ўринни эгаллаб турибди.
