ЖЧдан мосуво бўлган Индонезия Клюйвертни ишдан бўшатди
Патрик 2025 йилнинг февралидан бери Индонезия терма жамоасини бошқариб келаётганди.
ФОТО: Getty images
Нидерландиялик мутахассис Патрик Клюйверт Индонезия терма жамоаси бош мураббийлигидан кетди. Бу ҳақда мамлакат футбол ассоциацияси хабар берди.
Томонлар ўзаро келишув асосида меҳнат шартномасии бекор қилган. Патрик 2025 йилнинг февралидан бери Индонезия терма жамоасини бошқариб келаётганди.
Эслатиб ўтамиз, жамоа ўтган ҳафтада ЖЧ-2026 саралашидан ўрин олган Ироқ (0:1) терма жамоасига минимал ҳисобда мағлуб бўлганди. Ушбу муваффақиятсизликдан сўнг индонезияликлар мундиалга чиқиш имкониятидан маҳрум бўлди.
Маълумот учун, жаҳон чемпионати келаси йил Шимолий Американинг учта давлати - АҚШ, Канада ва Мексикада бўлиб ўтади.
Розикжон Султонмуродов
Журналист