ЖЧ саралаши. Испания сафарда Болгарияни йирик ҳисобда мағлубиятга учратди
ФОТО: Getty images
ЖЧ-2026 саралаши доирасида Испания миллий терма жамоаси сафарда Болгарияга қарши майдонга тушди.
Софиядаги “Василь Левски” ўйингоҳида кечган беллашувда Евро-2024нинг амалдаги чемпионлари тўлиқ устунллика эришди ва 3:0 ҳисобидаги ғалабани қўлга киритди.
Ўйинда дастлаб 5-дақиқада Микель Оярсабаль ҳисобни очди. 30-дақиқада эса Марк Кукурелья иккинчи гол муаллифига айланди. Якуний нуқтани 38-дақиқада Микель Мерино қўйди.
Кейинги турда Испания яна сафарда Туркияга қарши ўйнайди. Болгария Грузия билан беллашади.
ЖЧ-2026 саралаши. Европа. 1-тур
Болгария – Испания 0:3
Голлар: Оярсабаль 5, Кукурелья 30, Мерино 38.
Розикжон Султонмуродов
Журналист