ЖЧ финали бошланиш вақти чиқишлар ва Том Крузнинг ғалати нутқи сабаб кечикди
ЖЧ финали бошланиш вақти чиқишлар ва Том Крузнинг ғалати нутқи сабаб кечикди
Аргентина ва Испания ўртасидаги Жаҳон чемпионати финали белгиланган вақтда бошланмади. Ўйин 6 дақиқага кечикди. Нью-Йорк — Нью-Джерси стадионида финал баҳси Британия вақти билан 20:00 да, АҚШ шарқий вақти билан эса 15:00 да бошланиши керак эди. Бироқ дунёдаги энг кўп томоша қилинадиган спорт воқеаларидан бири бўлган учрашув 20:06 дагина старт олди.
Учрашув бошланишидан аввал Робби Уильямс саҳнага чиқди, Дженнифер Хадсон давлат мадҳиясини ижро этди, актёр Том Круз эса ўйинолди ғалати нутқ сўзлади. Шунингдек, машҳур ринг эълончилари — Майкл ва Брайус Баффер ака-укаси финал олдидан мухлисларни ўзига хос шоу билан қиздирди.
Бундан ташқари, старт ҳуштагидан 90 дақиқа аввал Жаҳон чемпионатининг ёпилиш маросими ҳам бўлиб ўтди. Унда Пост Мэлоун ва стример АйШоуСпид чиқиш қилди. Жаҳон чемпионати кубоги эса майдонга Испаниянинг 2010 йилги чемпиони Андрес Иньеста, Аргентинанинг 1978 йилги чемпиони Марио Кемпес, теннис юлдузи Карлос Алкарас ҳамда “Кальмар ўйини” сериали актрисаси Хо Ён томонидан олиб чиқилди.
ЖЧ финали олдидан ҳаяжон тобора ортиб бораётган бир пайтда Том Круз саҳнага чиқиб, мухлисларга мурожаат қилди.
— Сўнгги боб учун жам бўлган эканмиз, келинг, бутун дунёини бирлаштирган турнирни нишонлайлик. Бир-биримизни қадрлайлик. Бу — футбол. Бу — бирдамлик. Бу — буюклик, — деди у монологида.
Жаҳон чемпионати финалида танаввус пайтида ҳам кенгайтирилган шоу бўлиб ўтиши кутилмоқда. Шакира ва Мадонна чиқишлари сабаб иккинчи бўлим бошланиши ҳам бир неча дақиқага кечикиши мумкин.
Дональд Трампнинг ўйинга ташрифи эса хавфсизлик чораларини янада кучайтирди. Юзлаб журналистлар, санъаткорлар ва кўнгиллилар стадионга киришдан олдин уч соатгача навбатда кутушга мажбур бўлди.
Лионель Месси бошчилигидаги Аргентина 1962 йилдаги Бразилиядан кейин Жаҳон чемпионлиги унвонини ҳимоя қилган илк жамоага айланишга ҳаракат қилмоқда. Испания эса тарихида иккинчи бор Жаҳон чемпионатида ғолиб чиқиш ва Евро-2024 даги зафарига яна бир йирик соврин қўшишни мақсад қилган.
Испания ярим финалда Францияни 2:0 ҳисобида ишончли тарзда мағлуб этганидан сўнг финал фаворити сифатида кўрилмоқда. Шу боис Луис де ла Фуэнте ўша учрашувдаги бошланғич таркибни ўзгаришсиз қолдиргани ажабланарли эмас.
