ЖЧ-2026'га чипталарни сотиб олиш учун 500 млн киши лотереяда иштирок этади
Бу галги мундиал АҚШ, Канада ва Мексика майдонларида бўлиб ўтади.
ФОТО: Getty Images
2026 йилги футбол бўйича Жаҳон чемпионати ўйинларига чипталарни сотиб олиш ҳуқуқи учун ўтказиладиган қуръада тахминан 500 миллион киши иштирок этади. Бу ҳақда Халқаро футбол федерациялари ассоциацияси — FIFA маълум қилди.
Қайд этилишича, атиги 33 кун ичида FIFAга 211 та аъзо давлатдан бўлган мухлислардан бир неча юз миллионта ариза келиб тушган. Сўровлар сони бўйича етакчи мамлакатлар орасида мусобақага мезбонлик қилаётган АҚШ, Мексика ва Канада, шунингдек Германия, Англия, Бразилия, Испания, Португалия, Аргентина ҳамда Колумбия бор. Чипталар бўйича аризалар натижаси мухлислирга 5 февралдан олдин маълум қилинмайди.
Эслатиб ўтамиз, 2026 йилги футбол бўйича Жаҳон чемпионати 11 июндан 19 июлгача АҚШ, Канада ва Мексика давлатларида бўлиб ўтади.
Насрулло Каримов
Журналист