ЖЧ-2026дан кейинги сўнгги 10та тур: «Динамо» очко йиғиш бўйича Суперлигада топ-4ликда
«Динамо» Суперлигада мавсумнинг биринчи қисмини қониқарсиз ўтказиб 11 очко билан 13-ўринда якунлаган бўлса, жамоадаги ўзгаришлардан кейинги сўнгги 10 ўйинда Суперлигада энг кўп очко йиғиш бўйича 4-ўринда бормоқда.
Вадим Абрамов шогирдлари ЖЧ-2026дан кейин давом эттирилган чемпионатимизнинг сўнгги 10та ўйинида 5 ғалаба, 4 дуранг ва 1 мағлубият қайд этиб, 19 очко жамғаришга эришди.
Бу борада «Навбаҳор» 21 очко билан етакчи бўлса, «Нефтчи» ва «Пахтакор»дан (20 очкодан) кейинги ўринни «Динамо» эгаллаб турибди.
Энг катта ўсиш «Динамо»да - 9 ўрин юқорига.
«Динамо» сўнгги 10та турда ғалабалар сони бўйича Суперлигада фақат «Навбаҳор» ва «Нефтчи»дан (6тадан ғалаба) ортда қолмоқда – 5та ғалаба;
«Динамо» сўнгги 10та турда энг кам гол ўтказиш бўйича Суперлигада фақат «Пахтакор» (7та гол) ва «Насаф»дан (9та гол) ортда қолмоқда – 10та гол ўтказиб юборилган;
«Динамо» сўнгги 10та турда мағлубиятсиз ўйинлар сони бўйича Суперлигада фақат «Пахтакор»дан (10 мағлубиятсиз ўйин) ортда қолмоқда – 9 мағлубиятсиз ўйин.
Сўнгги ўйинларда жароҳат сабабли Анваржон Ҳожимирзаев, Санжар Қодирқулов, Хислат Халилов таркибдан чиқди, Фирдавс Абдураҳмонов ва Ойбек Ўрмонжонов олимпия жамоасига чақирилди.
