ЖЧ-2026дан четлатилган ҳакам 38 ёшида вафот этди
Нидерландиялик футбол ҳаками Роб Диперинг 38 ёшида вафот этди. Униг вафоти ҳақидаги хабарни Нидерландия Қироллик футбол ассоциацияси (KNVB) расман тасдиқлади. Ҳозирча ўлим сабаби ошкор этилмаган.
Диперинг 2026-йилги ФИФА Жаҳон чемпионатида ишлаши режалаштирилган ҳакамлардан бири эди. Бироқ у Буюк Британияда вояга етмаган шахсга нисбатан жинсий зўравонликка оид айбловлар юзасидан ҳибсга олинганидан сўнг ФИФА томонидан мундиал ҳакамлари рўйхатидан чиқарилганди. Кейинчалик тергов органлари айбловни тасдиқловчи етарли далиллар топилмагани сабабли ишни ёпган ва ҳакам айбсиз эканини таъкидлаб келган.
Роб Диперинг 2012-йилдан профессионал ҳакам сифатида фаолият юритган. У 2017-йилдан бошлаб Нидерландия чемпионатининг олий дивизионида учрашувларни бошқарган, шунингдек, УЕФА Евро-2024 мусобақасида VAR ҳаками сифатида ҳам ишлаган.
KNVB марҳум ҳакамнинг оила аъзолари ва яқинларига ҳамдардлик билдиради ва унинг футбол ривожига қўшган ҳиссасини алоҳида эътироф этади.
