ЖЧ-2026 ёпилиш маросимида Том Круз ва Робби Уильямс иштирок этади

FIFA ЖЧ-2026 финал учрашуви олдидан бўлиб ўтадиган ёпилиш маросими тафсилотларини расман эълон қилди.

Маълум қилинишича, тантанали маросимда машҳур актёр Том Круз, хонандалар Робби Уильямс, Никол Шерзингер ҳамда дунёга таниқли блогер IShowSpeed иштирок этади. Шунингдек, америкалик хонанда Jennifer Hudson финал баҳси олдидан АҚШ мадҳиясини ижро этади.

FIFA финал олдидан ташкил этиладиган шоу орқали 2026-йилги Жаҳон чемпионатини ёрқин тарзда якунлашни режалаштирмоқда. Турнирнинг ҳал қилувчи учрашуви олдидан ўтказиладиган маросимда спорт ва шоу-бизнес юлдузлари бир саҳнада жам бўлади.

Эслатиб ўтамиз, ЖЧ-2026 финали 19-июл куни АҚШнинг Нью-Жерси штатидаги MetLife стадионида бўлиб ўтади.

Насрулло Каримов

Журналист