ЖЧ-2026 саралаши. Нидерландия сафарда Мальтани йирик ҳисобда мағлуб этди
Куман жамоаси гуруҳда тўлиқ етакчилик қилмоқда.
ФОТО: Getty images
ЖЧ-2026 саралаш босқичидан ўрин олган бир қатор учрашувлар бўлиб ўтди.
Нидерландия терма жамоаси сафарда Мальтага қарши ўйнади. Беллашув 4:0 ҳисобида “апелсинлар”нинг ғалабаси билан якунига етди. Коди Гакпо дублга эришди. Рейндерс ва Депай биттадан голга муаллифлик қилди.
Натижада G гуруҳида Роналд Куман шогирдлари беш турдан кейин 13 очко билан пешқадамлик қилмоқда. Мальта олти ўйиндан сўнг икки очко билан гуруҳда охирги ўринни эгаллаб турибди.
ЖЧ-2026 саралаши
Нидерландия — Малта 4:0
Голлар: Гакпо (пен. 12, пен. 48), Рейндерс (57), Депай (90+3).
