ЖЧ-2026 Криштиану Роналду учун сўнгги мундиал бўлади
Португалиялик футболчи бу вақтда 41 ёшга тўлган бўлади.
ФОТО: Getty Images
Португалия миллий жамоаси ҳужумчиси Криштиану Роналду 2026 йилги Жаҳон чемпионати унинг фаолиятидаги сўнгги мундиал бўлишини маълум қилди.
«Кейинги Жаҳон чемпионати мен учун сўнггисими? Албатта, бу рост. Ўшанда мен 41 ёшга тўламан. Бу буюк турнирда яна иштирок этиш — мен учун катта бахт. Мен ҳозирги дақиқалардан роҳатланмоқдаман», — деди Роналду.
Маълумот учун, Криштиану 2003 йилнинг август ойидан буён Португалия миллий жамоаси сафида тўп сурмоқда. Бу давр ичида у барча турнирларда 225 та ўйинда майдонга тушиб, 143 та гол урди ва 46 та голли узатмани амалга оширди.
Насрулло Каримов
Журналист