ЖЧ-2026. Кабо-Верде сенсация қайд этишда давом этади. Бу сафар Уругвай билан дуранг
Жаҳон чемпионати H гуруҳининг 2-туридан ўрин олган Уругвай ва Кабо-Верде терма жамоалари ўртасидаги учрашув якунланди. Учрашув 2:2 ҳисобидаги дуранг билан якунланди.
21-дақиқада «Краснодар» ва Кабо-Верде терма жамоаси ярим ҳимоячиси Кевин Ленини ўз жамоасини олдинга олиб чиқди. Ҳимоячи Максимилиано Араухо 44-дақиқада жавоб тўпини киритди. Ярим ҳимоячи Агустин Каноббио 45+6-дақиқада Уругвай терма жамоасини ҳисобда олдинга олиб чиқди. 61-дақиқада оролликлар ҳужумчиси Элио Варела ўйиндаги ҳисобни тенглаштирди.
Натижада ҳар икки жамоа ҳам очколари сонини 2 тага етказиб, плей-офф йўлланмасига эга чиқиш имкониятини сақлаб қолди.
Гуруҳ босқичининг сўнгги, 3-турида Уругвай Испания билан, Кабо-Верде эса Саудия Арабистони билан ўйнайди, иккала учрашув ҳам 27 июнь куни бўлиб ўтади.
