JCH-2026. Kabo-Verde sensatsiya qayd etishda davom etadi. Bu safar Urugvay bilan durang
Jahon chempionati H guruhi 2-turidan o‘rin olgan Urugvay va Kabo-Verde terma jamoalari o‘rtasidagi uchrashuv yakunlandi. Uchrashuv 2:2 hisobidagi durang bilan yakunlandi.
21-daqiqada “Krasnodar” va Kabo-Verde terma jamoasi yarim himoyachisi Kevin Lenini o‘z jamoasini oldinga olib chiqdi. Himoyachi Maksimiliano Arauho 44-daqiqada javob to‘pini kiritdi. Yarim himoyachi Agustin Kanobbio 45+6-daqiqada Urugvay terma jamoasini hisobda oldinga olib chiqdi. 61-daqiqada orolliklar hujumchisi Elio Varela o‘yindagi hisobni tenglashtirdi.
Natijada har ikki jamoa ham ochkolari sonini 2 taga yetkazib, pley-off yo‘llanmasiga ega chiqish imkoniyatini saqlab qoldi.
Guruh bosqichining so‘nggi, 3-turida Urugvay Ispaniya bilan, Kabo-Verde esa Saudiya Arabistoni bilan o‘ynaydi, ikkala uchrashuv ham 27-iyun kuni bo‘lib o‘tadi.
